T.4- punto 2 C

A EXPRESIÓN DA INFORMACIÓN XENÉTICA DO ADN: A SÍNTESE DE PROTEÍNAS

A expresión da información é o conxunto de procesos mediante os que os códigos contidos nas secuencia de nucleótidos dos xenes ditan a secuencia de aminoácidos das proteínas.

Francis Crick denominou a esta relación entre ADN-ARN e proteínas coma o dogma central da bioloxía molecular.

ETAPAS DA SÍNTESE DE PROTEÍNAS

·         Transcrición: proceso polo que a secuencia de nucleótidos dun xene do ADN se copia nunha molécula de ARN mensaxeiro (ARNm)

·         Saída do ARNm: o ARNm sae do núcleo celular a través dos poros e diríxese aos ribosomas do citoplasma.

·         Tradución: proceso polo que se realiza a unión dos aminoácidos na secuencia ditada polos tripletes do ARNm, e segundo as claves do código xenético. A proteína resultante considérase a expresión da información xenética do xene.

CALES SON AS DIFERENCIAS ENTRE REPLICACIÓN, TRANSCRICIÓN E TRADUCIÓN?

·         Replicación: Síntese de ADN utilizando ADN como molde.

·         Transcrición: Síntese de ARNm, utilizando ADN como molde.

·         Tradución: Síntese de proteínas, utilizando ARNm como molde.