T.4- punto 5 A

A ENXEÑARÍA XENÉTICA

QUE É A ENXEÑARÍA XENÉTICA?

A enxeñaría xenética é o conxunto de técnicas que permiten illar, cortar, combinar e unir fragmentos de ADN nunha única molécula de ADN e transferila a outra célula.

A molécula de ADN resultante (ADN recombinante) e o organismo cuxo xenoma se modificou (OMX), (organismo transxénico)

TÉCNICAS DE ENXEÑARÍA XENÉTICA

As técnicas de enxeñaría xenética para producir proteínas, realízanse seguindo un protocolo que inclúe as seguintes etapas:

·         A partir dunha célula humana de páncreas, localízanse e íllase o xene que codifica para a insulina mediante encimas que cortan a molécula de ADN.

·         O xene humano insírese no ADN dun plásmido bacteriano que actúa como vector para transferilo á bacteria.

·         Selecciónanse as bacterias que conteñen o xene da insulina inserido no seu ADN, para iso utilízanse algúns xenes marcadores.

·         Faise medrar ás bacterias, modificadas xeneticamente, en grandes fermentadores e en condicións favorables para que, mediante reprodución asexual, produzan millóns de bacterias idénticas co xene da insulina humana.

·         O xene da insulina transcríbese e tradúcese producindo grandes cantidades de insulina, que as bacterias segregan ao medio de cultivo .

·         A insulina recóllese e purifícase para a súa comercialización.

As bacterias e os fermentos son os organismos máis utilizados en enxeñaría xenética, dado que entrañan menos consideracións éticas que as plantas ou os animais.